- >> 2009-12-02
Abenduak 12, Emakume Abertzaleon IV Topaketa Feministak Tolosan
Norbere ekarpenak eginez biluztu eta besteen ekarpenak jasoz jantzi egingo dira Emakume Abertzaleon IV Topaketa Feministan parte hartzen duten emakumeak. Euskal Herriko Bilgune Feministaren helburua jendartearen eraldaketa izanik borroka feminista eraginkor bat garatu nahi dute. Horretarako, mugimendu feministan orokortu den eztabaida bati helduko diote: identitateak gaiari. Emakume anitzentzako topaketak izatea nahi du, topaketak ahalik eta aberatsen izan daitezen. Topaketok, bihar aurkeztuko dituzte prentsaurrean, Tolosako Abastos plazan, arratsaldeko 19:30ean
- >> 2009-11-27
Laskorain Ikastolan kontzentrazioa egiten ari ziren ikasle batzuk identifikatu ditu Ertzantzak
Aste honetako atxiloketak salatzeko kontzentrazioa egin dute Laskoraingo ikasleek. Protesta Ertzantzaren begiradapean egin dute. Hau amaitzean, agenteak Laskoraingo patiora sartu eta hiru ikasle komisaldegira eraman nahi izan dituzte. Irakasle batzuen esku-hartzeari esker, soilik identifikatu egin dituzte.
- >> 2009-11-26
Txuleta festa, abenduaren 4tik 8ra
Aurten ere, Tolosako Zerkausia erretegi handi bat bilakatuko da. Abenduaren 4tik 8ra bitartean, Tolasako erretegi onenek prestatutako txuletak dastatu ahal izango dira, Euskal Herriko kalitatezko beste zenbait produkturekin lagunduta. 943 697 413 telefonoan edo tour@tolosaldea.net helbidean egin daitezke erreserbak.
- >> 2009-11-25
Anaitasun lokarriak Tolosatik Hego Koreako Bongwa eskualdera
Gaur gauean, azaroak 25 iritsiko dira Tolosara Hego Koreako Bongwa Country eskualdeko alkatea eta bere taldea. Bisitaren helburua, Tolosa, industria, hezkuntza eta kultura mailan ezagutzea da, eta Bongwa hirian gauzatu nahi dituzten proiektu ezberdinetarako hemen aurkitutakoa baliagarria ote den ikustea. Korearrei bihar arratsaldeko 17:00etan egingo diete harrera Tolosako Udaletxean.
- >> 2009-11-25
Emakumeenganako Indarkeriaren Kontrako Egunean, mobilizazioak
Gaur, azaroak 25, Emakumeenganako Indarkeriaren aurkako nazioarteko eguna izanik, Bilgune Feministak kontzentrazioa deitu du. Tolosako Trianguloan izango da arratsaldeko 19:30ean.
- >> 2009-11-24
Haritz Lopez tolosarra eta Irati Mujika amezketarra atxilotu dituzte
Gazte mugimenduaren aurkako operazioaren baitan gaur goizaldean atxilotu dituzte Haritz Lopez eta Irati Mujika. Villabonan ere Mikel Ayestaran gaztea atxilotu dute. - >> 2009-11-18
Partaidetzan trebatzeko, Tolosako Partaidetza Jardunaldiak
Azaroaren 25ean, abenduaren 1ean eta abenduaren 2an izango dira jardunaldiak. Partaidetzan trebatzeko helburuz antolatu ditu Tolosako Udalak Elisabet Arrieta, EHUko soziologo eta Parte Hartuz taldeko kidearen laguntzarekin.
- >> 2009-11-17
Alegia, Altzo eta Ikaztegietako pilota eskolek bat egin dute
Norabide berean arraunean ari diren indarren elkarketak askoz emaitza hobeak eman ditzake, bakarka lanean aritzeak baino. Herri honetan lezio hori ikasteko oraindik asko falta zaigun arren, badira batzuk ikasgaia ondo ikasi eta praktikan ere jarri dutenak. Alegiako, Altzoko eta Ikaztegietako pilota eskolek elkarrekin lan egingo dute aurrerantzean, Intxurre pilota eskolaren baitan. Asmoa, oso garbia: pilotan aritu nahi duten gazteei proiektu hobe eta eraginkorrago bat eskaintzea.
- >> 2009-11-17
Etxe, enpresa eta komertzioetako lapurretak gutxitu egin dira
"Lapurreta pila bat gertatzen ari omen dira". Nork ez du halakorik entzun kalean? Jendeak lapurretak ugaritu diren inpresioa du. Hori egiaztatzera joan da Galtzaundi Tolosako Udaltzaingora. Herritarren usteak eta Udaltzaingoak dituen datuak ez datoz bat. Etxe, enpresa eta komertzioetako lapurretak nabarmen jaitsi dira. Udaltzaingotik mezu lasaigarria bidali nahi dute.
- >> 2009-11-16
Errusiar mendia Tolosan izan da
Tolosaldeko herritarrek bikain erantzun zioten txapelketaren deiari. Sartu ezinik geratu zirenak ere izan ziren.
- >> 2009-11-16
Migrazioa eta emakumeei buruzko komiki lehiaketa
Tolosaldea Garatzen Garapen Agentziako Inmigrazio sailak antolatu du II. Emakueen eta migrazioen inguruko Komiki Lehiaketa. Lanak aurkezteko epea abenduaren 30era bitartean egongo da zabalik. Ondorengo dokumentuan dituzue lehiaketan parte hartu ahal izateko bete behar diren oinarriak. - >> 2009-11-11
"Uxola"ri omenaldia egingo zaio bere jaiotzaren mendeurrenean
1909 . urteko azaroaren 13an jaio zen Estanislao Urruzola "Uxola" idazle tolosarra. Bere jaiotzaren ehungarren urteurrenean, Tolosako Euskara Batzordeak merezitako omenaldia egin nahi dio. Ostiralean, arratsaldeko 19:00etan hasiko da omenaldi ekitaldia - >> 2009-11-10
Iñaki Odriozola, "Mokolo" pailazoa hil da
Atzo zabaldu zen zorigaiztoko berria: 30 urte zituela bihotzekoak jota hil da Iñaki Odriozola, "Mokolo" pailazoa. AEBetan oporretan zegoela gertatu da ezbeharra. - >> 2009-11-05
Amezketako Kultur Asteak egitarau betea dakar aurten
Azaroak 6, ostiralean hasi eta hilaren 15era arte luzatuko da Amezketako Kultur Astea. Hitzaldiak, erakusketak, musika, bertsolariak eta jan edanarekin batera, San Martin eguna izango da protagonista. Baita, 600 urte beteko dituen Enirio-Aralar mankomunitatea ere.
- >> 2009-11-03
Igande honetan, aizkora apustu handia Tolosako Zezen Plazan
Miel Mindegia eta Donato Larretxeak jarritako markak hausteko daude oraindik. Oilategiko oilarrak dira. Eurek dituzte mokorik zorrotzenak. Azaroaren 8an indarrak neurtuko dituzte Tolosako Zezen Plazan. Apustulari eta aditu gehienek Larretxearen alde egiten dute, Mindegia baino 10 urte gazteagoa dela arrazoituta. Zenbaitzuk Zubietakoak eskaintzen duen bermeaz fidantzen dira. Ikusmin gehien sortu duena ordea, apustulariek egin beharko duten lana da: 60 ontzako 20 enbor.
- >> 2009-11-03
TAO sistemak zalantza ugari sortu ditu ibartarren artean
Ezker Abertzalearen, herritarren eta merkatarien kritikak jaso ditu herriko zenbait kaletan TAO (Trafiko eta Aparkemendurako Ordenamendua) sistema jartzeko udalaren ideiak. Urriaren 21an batzarra egin ondoren, herritarrek Udaletxera jo zuten argibide bila. Alkatearen erantzuna tinkoa izan da: Urtarrilean hasiko dira TAO sistemarekin. Herriko eragileak urriaren 28an berriro batzartu ondoren, udal ordezkariekin azken bilera bat egitea erabaki dute. Bertan jasotako erantzunaren arabera baloratuko dute TAOren aurkako ekimenak martxan jarri behar ote diren edo ez.
- >> 2009-10-28
Bertsolari Txapelketa Nagusiko finala ikustera joateko autobusa antolatu du Galtzaundik
Abenduaren 13an jokatuko da BECen Bertsolari Txapelketa Nagusiko finala. Autoa etxean utzi eta Barakaldorako bidaia lasai egiteko aukera eman nahi die Galtzaundik Tolosaldeko bertsozaleei. Autobusean joateko aukera egin nahi dutenentzat izena emateko epea zabaldik dago.
- >> 2009-10-15
Urriak 15, Landa Eremuko Emakumeen Nazioarteko Eguna
Tolosako landa eremuko auzoetako emakumeen testigantzak bildu dituzte dokumental batean. Ekimena, Tolosako Udaleko Berdintasun Sailarena, Auzoetako arduradunarena eta Berpiztu Programa kudeatzen duen Tolomendi elkartearena da; eta nola ez, emakumeena beraiena ere bai. 17:00etatik aurrera, etengabe proiektatuko da dokumentala Tolosako Kultur Etxeko areto nagusian.
- >> 2009-10-13
Aimar Agirresarobe tolosarra Hawaiiko Ironmanean bikain
9 ordu, 55 minutu eta 13 segundu behar izan zituen Aimar Agirresarobe tolosarrak Hawaiiko Ironmana osatzeko. - >> 2009-10-13
Errusiar mendiaren gorabeherak agerian
Jone Uria, Etxahun Lekue eta Iñaki Zelaia. Horiek final laurdenetan orain arte jokatutako 3 saioateko irabazleak, eta beraz finalerdietara sailkatu direnak. Hori eta gehiago eman du txapelketak.
Herriko 21 enpresaren hizkuntza portaeraren datuak bildu ditu Adunako Udalak
Galtzaundirekin sinatutako hitzarmenaren bidez eta Udalerri Euskaldunen Mankomunitatearen aholkularitzapean, Adunako enpresetan euskararen erabilera bultzatzeko lehenengo urratsa eman du Udalak. Egitasmoaren baitan, Galtzaundiko teknikari bat harremanetan jarri da herriko enpresekin eta, bertako arduradunen laguntzaz, euskararekin nola jokatzen duten jaso du. 21 enpresatako datuak bildu dituzte, eta, etorkizunari begira, nolako laguntzak eskainiko dituen aztertzen ari da Udala. 
ABIZENAK EUSKARAZKO GRAFIAZ JARTZEKO KANPAINA JARRI DU ABIAN UEMAK
Galtzaundik eta Adunako Udalak hitzarmena sinatu dute bertako lan munduan euskara planak sustatzeko
Nafarroa Oinez festara joateko autobusak
Aurten Etxarri-Aranatz-eko Ikastola arduratuko da Nafarroa Oinez festa antolatzeaz. Urriaren 18an ospatuko da jaia, eta bertara joateko autobusak antolatu ditu Galtzaundik. Izena emateko epea zabalik dago jada.
Hemen dira Gipuzkoa eta Nafarroako euskararen aldeko jaiak
Etxarri Aranatzen ospatuko den Nafarroa Oinez 2009ra joateko autobusak jarriko ditu aurten ere Galtzaundik. Gerturatu zaitez gure egoitzara izena ematera.
Eskualdeko UEMAko herrietako euskaltegietako matrikulazio kanpaina
Eskualdeko Udalerri Euskaldunen Mankomunitateko udalek babesa adierazi diote Aitzol Tolosako udal euskaltegiak eta Andoaingo AEK-k abian jarri duten matrikulazio kanpainari. Aurten, udalak ahalegin berezia egiten ari dira herriz herri ikasle taldeak sortzeko, eta, horretarako, udaletxeetan izena emateko aukera eman dute, diru laguntzak eskaintzeaz aparte. Helburu nagusiak hauek dira: erdaldunak euskarara hurbiltzea eta euskaldun alfabetatugabeek alfabetatze taldeetan izena ematea
Dagoeneko martxan da eskualdeko UEMAko herrietako merkataritza kanpaina. Eskualdean zazpi herrietako establezimenduek jaso dituzte bisitak: Leaburu-Txarama, Ikaztegieta, Irura, Anoeta, Alegia, Aduna eta Altzo. UEMAko Tolosaldeko beste herrietan berriz, irailean gauzatuko da merkataritza kanpaina.
Baztandarren Biltzarrera joateko autobusak
Galtzaundi Euskara Taldeak, uztailaren 19an, Elizondon ospatuko den Baztandarren Biltzarrera joateko autobusak antolatu ditu. Autobusak goizeko 9:00tan irtengo dira Tolosako Tren geltokitik eta itzulera, arratsaldeko 19:00tan izango da.
Tolosaldeko euskararen semaforoa
Eskualdean, euskalgintzaren eremuan eta euskararen inguruan gertatzen diren notizia guztien berri emateko, Tolosaldean blog berria sortu dute. Blogaren helbidea, euskararensemaforoa.blogspot.com da.
Eskualdeko semaforoetan kartel batzuk agertu dira, "Semaforoak euskaraz" leloarekin (ikus argazkiak). Harrigarriena da kartelak ez dituela inork sinatu, eta inork ez duela bere gain hartu kanpaina hori. Oinezkoek zein gidariek harriduraz hartu dute kanpaina, eta herritarren artean hainbat hipotesi zabaldu dira, baina inork ez daki erabateko ziurtasunez nondik sortu den kartel horiek jartzea.
Harategiei zuzenduriko kanpaina eskualdean
Kontseiluak, Bai Euskarari Ziurtagiriak, UEMAk eta Galtzaundik, beste eskualde batzuetako euskalgintzarekin elkarlanean eta udalen laguntzarekin, harategietako hornitzaileei zuzendutako kanpaina martxan jarriko dute.
Galtzaundik Ibilaldira joateko autobusak antolatu ditu
Maiatzaren 31ean ospatuko da Bizkaiko Ikastolen festa Galdakaon. Galtzaundik, autobusak antolatu ditu festaren ospakizunera joateko eta horretarako, Galtzaundiko egoitzan izena eman behar da. Anima zaitezte!
Anbulatorioetan zerbitzua euskaraz eskatzeko agerraldia
Dagoeneko 11 dira mozioarekin bat egin duten udalak. Maiatzaren 7an, arratsaldeko 19:00tan, Villabonako anbulatorioan egindako agerraldian, Marimi Ugalde, Irurako alkatesak mozioa irakurri zuen. Euskalgintzako eragile desberdinen atxikimenduak jasotzeaz gain, EHEko eta Behatokiko ordezkariak ere bertan egon ziren.
Alegia, Elduain eta Baliarraingo udalek bat egin dute osakidetzaren aurkako mozioarekin
Tolosaldean, UEMAko hamaika udalek onartu dute mozioa.
Mozioa jendaurrean irakurriko dute Villabonako anbulatorioaren aurrean, maiatzaren 7an, 19:00etan.
Gaztelu, Irura, Amezketa eta Ikaztegietako udalek ere onartu dute osakidetzaren aurkako mozioa
Gazteluko, Irurako, Amezketako eta Ikaztegietako udalek ere onartu dute Osakidetzaren aurkako mozioa. Horrenbestez, zortzi dira mozioarekin bat egin duten udalak, aurreko asteetan Adunako, Anoetako, Orexako eta Altzoko udalek ere onartu baitzuten mozioa. Aste honetan bertan, beste udal batzuek ere osoko bilkuretan eztabaidatu eta bozkatuko dute mozioa. Alegian eta Elduainen, adibidez, gaur bertan bozkatuko dute.
Galtzaundik eta Hizkuntz Eskubideen Behatokiak elkarlan hitzarmena sinatu dute
Apirilaren 28an, asteartean, Galtzaundi Euskara Taldeak eta Hizkuntz Eskubideen Behatokiak elkarlan hitzarmena sinatu dute Ibarrako Kultur etxean. Hitzarmen honen bitartez hainbat ekimen martxan jarri dira eta guztiaren berri eman dute eskainitako agerraldian.
Hizkuntza Eskubideen inguruko mahai-ingurua
Maiatzaren 3an, Ondarroan ospatuko den Hizkuntza Eskubideen Egunarekin loturik, mahai-ingurua egingo da, apirilaren 29an, arratsaldeko 19:30ean, Villabonako zineko erakusketa gelan.
Galtzaundi Euskara Taldearen eta Behatokiaren arteko hitzarmena
Apirilaren 28an, asteartean, arratsaldeko 16:00tan, Ibarrako Kultur etxean, Galtzaundi Euskara Taldearen eta Hizkuntz Eskubideen Behatokiaren arteko elkarlan hitzarmena sinatuko da. Bertan, elkarlanaren nondik norakoak azalduko dira, baita martxan jarrita dauden ekimenak ere.
"Euskaraz seguruago" kanpaina ere Tolosaldean
Euskararen Gizarte Erakundeen Kontseiluak, Hizkuntz Eskubideen Behatokiak eta Ziurtagiriaren elkarteak abiatu duen Euskaraz seguruago kanpainaren berri eman dute. Egitasmo honen bitartez euskararentzat esparruak garatu eta zabaldu nahi dira, bizitza normaltasunez egiteko. Euskaldunok euskaraz bizi nahi dugu, baina nabarmenak dira egunero topatzen ditugun ezintasunak. Horien adibide dira aseguru-etxekin izaten ditugun hartu-emanak. "euskaraz seguruago" kanpainaren helburua da aseguru-etxeek eskaintzen duten zerbitzua euskaraz ere jasotzea
VI. Hizkuntza Eskubideen Eguna ospatuko da Ondarroan
"Euskaraz biziz Euskal Herri euskalduna eraiki" lelopean ospatuko da, maiatzaren 3an, Ondarroan VI. Hizkuntza Eskubideen eguna. Egun osoan euskaraz bizi eta gozatzeko egitarau zabala izango da, kale animazio, herri-bazkari, ikuskizun, gune, kontzertu eta abarrekin. Zesatek! Eta Trikizio taldeak izango dira oholtza gainean. Eguneko leloa ozen aldarrikatzeko manifestazioa eta ekitaldi nagusia ere izango dira bazkalaurrean
Aduna, Anoeta, Orexa eta Altzoko Udalek onartu dute osakidetzaren aurkako mozioa
UEMAk proposatuta, Adunako, Anoetako, Orexako eta Altzoko udalek Osakidetzaren azken lanpostu deialdiaren aurkako mozioa onartu dute, udal guztietan aho batez. Izan ere, Osakidetzak ez du bermatu eskualdeko anbulatorioetan lanean hasiko diren langile berriak tratua euskaraz emateko gai izango direnik. Tartean, familia medikuak eta erizainak daude, eta deialdiak eskualdeko UEMAko herri gehienei eragiten die.
Hilabetea amaitu aurretik, UEMAko udal gehienetan landuko dute mozioa, eta maiatzaren 7an mozioa jendaurrean irakurriko dute.
Galtzaundik egindako ekoizpenak
Autobus zerbitzuetan beherapena
Helbidea: Nafarroa etorb., 6; 20400 Tolosa
Tel.: 943 655 004
e-posta: erredakzioa@galtzaundi.com
Laguntzaileak:
