- >> 2010-07-23
Urte honen amaieran hasiko dira Lehiberri zentroa eraikitzeko lanak
Tolosako Udalak eta Zientzia eta Berrikuntza Ministerioak gaur bertan sinatu duten hitzarmenari esker, Lehiberri, Tolosaldeko Lehiakortasun eta Berrikuntza Zentroa martxan jartzeko milioi bat euroko finantzaketa bermatu da. Urte honen amaieran hasiko dira lanak, eta zentroa 2012an lanean egotea aurreikusten da. Oraindik ordea ez dute argitu zentroa non eraikiko den.
- >> 2010-07-21
Ikaztegietak udaletxe berria izango du
Gipuzkoako Diputatuen Kontseiluak egindako azken bilkuran Ikaztegietako Udaletxe berria eraikitzeko proiektua onartu du. Proiektu hau Landagipuzkoa32 programaren bidez finantzatuko da. Guztira 962.000 euroko aurrekontua du; 500.000 € Foru Aldundiak ordainduko ditu eta Ikaztegietako Udala bera egingo da gainontzekoaren kargu.
- >> 2010-07-20Azken urteetan bezala, Tolosako Udalak Gau Giro Programa osatu du udan Tolosan geratzen direnek zer ikusi eta zer egin izan dezaten. Uztaila hasieran hasi eta iraileko lehen egunak arte musika, dantza, zinema eta bestelako ikuskizun andana izango da Tolosako eskenatoki ezberdinetan.
- >> 2010-06-23Urteroko ohiturari jarraituz Et Incarnatus orkestrak kontzertua eskaini zuen Urkizu auzotik gora dagoen Iraolako Zuloan, naturaren erdian. Munduko bost kontinenteetako musikaz osatutako saioa eskani zuen Mikel Zeberiok zuzentzen duen orkestrak.
- >> 2010-06-15
Laskorain Ikastolaren Eguna, arrakastatsua
Igandean ospatu zuten Laskorain Ikastolako irakasle, ikasle eta gurasoek Ikastolaren eguna. Urtetik urtera haziz doa festara hurbiltzen den lagun kopurua. Bizikleta ibilaldiak, haur jolasek, patata-tortila janak, ikasleen emanaldiek, bazkariak, gurasoen jokoek, erromeriak eta nola ez, Reala lehen mailako talde bihurtu duen partiduak bete zuten igandea. - >> 2010-06-14
Tolosaldeko ordezkariak bikain Zarauzko XXIV. Triatloian
Tolosaldeak ordezkari ugari izan zituen larunbatean jokatutako Zarauzko XXIV. Triatloian. Tolosaldea TT-ko 16 kide irten ziren irteera marratik eta denak iritsi ziren helmugara. Emaitza bikainak ondu zituzten gainera gure ordezkariek. Emakumezkoetan Itxaso Leunda hernialdearra 11. helmugaratu zen Euskadiko Txapeldun titulua poltsikoratuz. Gizonezkoetan, Egoitz Zalakain Krafft Atletico S. Sebastian taldeko triatloilari tolosarra 13. postuan helmugaratu zen eta talde bereko Aimar Agirresarobe ere gertu iritsi zen helmugara 21. postuan.
- >> 2010-06-14
Jendetza bildu zen Imaz Bertsolaria eskolaren altzora
Atzo ospatu zen Altzon eskola txikien festa. Lainoz estalitako zerua kezka iturri izan bazen ere, jendetza hurbildu zen Altzora eta giro ederrean igaro zuten denek eguna.
- >> 2010-05-14
Autobusek lehengo geltokiak berreskuratuko dituzte maiatzaren 17tik aurrera
Tolosako Udalak prentsa ohar bidez jakinarazi duenez, herri barruko autobusak eta ibilbide motzeko eta luzeko herri arteko autobusak lehengo ohiko geralekuak erabiltzen hasiko dira maiatzaren 17tik aurrera. Geltokiak eta autobusen ibilbideak aldatu egin ziren Kolektorearen obrak zirela eta. Lanak amaituta, dena normaltasunera itzuliko da berriro. - >> 2010-05-06
Tolosako udalak hitzarmena sinatu du herriko bi merkatarien elkarteekin
Atzo sinatu zuten hitzarmena. Honen bitartez, udalaren eta herrian pisu garrantzitsua duen merkataritzaren arteko lankidetza sendotu nahi da. Bide batez, instituzio publiko ezberdinetatik elkarteek jasotzen duten diru-laguntza bermatu eta honen erabilera on bat egiteko bidea emango du.
- >> 2010-04-19
Errenta aitorpena euskaraz egiteko kanpaina antolatu dute eskualdeko 18 udalerrik
Dagoeneko irekita dago errenta aitorpena egiteko epea. Badakizu euskaraz egin dezakezula? Horretarako bideak zeintzuk diren azalduz kanpaina berezi bat diseinatu dute UEMAko eskualdeko 14 udalerriek eta beste lau herrik. Helburua, errenta aitorpena euskaraz egiten duten herritarren kopurua igotzea da. Tolosaldean soilik %12ak aukeartzen du euskara ogasunarekin zorral kitatzeko. Galtzaundik eta Kontseiluak ere babestu dute kanpaina. - >> 2010-04-13
Tolosan gizonezko bat atxilotu zuten larunbatean haurdun zegoen bikotekidea jipoitzeagatik
Erasotzaileak 43 urte ditu eta haurdunaldiko azken hilabeteetan dagoen bikotekidea jipoitzeagatik izan zen atxilotua. Gertakariak larunbat gauean eman ziren. - >> 2010-04-12Zazpi urteren ondoren, absoluzioa da Euskaldunon Egunkariaren aurkako auziaren emaitza. Auzitegi Nazionalak errugabetzat jo ditu Martxelo Otamendi, Joan Mari Torrealdai, Txema Auzmendi, Xabier Oleaga eta Iñaki Uria, eta beraz, ukatu egin du Egunkariako buruen eta ETAren artean loturarik egon zitekeenik. Horretaz gain, sententziak adierazten du adierazpen askatasunaren izenean kazeta itxi aurreko neurriak hartu zitezkeela. Bide batez, testuan kritikatu egiten dira akusazioak erabilitako frogak, eskasak zirela eta argibiderik ez zutela ematen iritzita.
- >> 2010-04-08
Jaurlaritzak 6.000 euroko mailegu eta bermea eman dizkio Amaroz Paper Fabrikari
3 milioiko mailegua eta beste 3 milioiko berma eman dizkio Amaroz Paper Fabrikari. Finantzaketa honek paper fabrikak bere produkzioa bikoiztea du helburu. Egun 40.000 paper tona ekoizten ditu urtean eta plana abian jarrita 80.000 tona ekoiztea aurreikusten da. Produkzioa bikoizteko paper fabrika Tolosatik Legorretara eraman behar dute.
- >> 2010-04-08
Portugalera bidaiatu du Txintxarri abesbatzak bere 50. urteurrenean
Duela egun batzuk itzuli da Alegiako Txintxarri abesbatza Portugalgo lurretatik. Berrogeita hamargarren urteurrena ospatzeko sei eguneko bidaia egin dute Portugalera eta joan den ostegunean kontzertua eskaini zuten bertako Evora herrian. - >> 2010-04-06
Amaroztarrek kirol, kultur eta osasun ekipamenduak eskatu dituzte
Parte Hartuz taldeko kideek txosten batean bildu dituzte auzoko etorkizuna erabakitzeko partaidetza prozesuan auzotarrek egindako ekarpenak. Ondorio horiek bizilagunen aurrean aurkeztu eta gero, orain amaroztarrak eurak dira prozesua aurrera eraman behar dutenak. Gehien proposatutako proiektuak banan-bana landu eta udaletxearekin negoziatu beharko dute. Parte Hartuz-eko teknikariek emango dizkiete horretarako baliabide eta oinarri metodologikoak. - >> 2010-03-28
Joxemari Mendizabal aizkolaria hil da Tolosan
Gaur eguerdian apustua zuten Joxemari Mendizabal adunarrak eta Joxe Mari Olasagastik. Mendizabalek hirugarren enborrean utzi egin behar izan du lehia gaizki sentitzen zela eta. Bazkalostean, bihotzekoak emanda hil da. - >> 2010-03-22
Itxaso Leunda hernialdearrak irabazi du Barakaldoko distantzia motzeko duatloia
2 ordu, minutu 1 eta 37 segunduko dendorarekin helmugaratu zen Lekeitioko Garraitz kirol taldearen elastikoarekin lehiatzen den hernialdearra. Barakaldoko Duatloia irabazteaz gain, garaipen honi esker, Bizkaiko Distantzia Motzeko txapelketako sailkapenaren buruan jarri da.
- >> 2010-03-16
Galtzaundik irakurle taldea sortu nahi du
Liburu bat proposatu, norberak etxean irakurri eta handik hilabetera egingo den tertulian liburuaren gaineko iritziak elkarbanatu. Horixe da irakurle taldeen funtzionamenduaren dinamika. Galtzaundi Euskara Taldeak irakurle taldea sortu nahi du Tolosan. Horretarako, interesatuak egon daitezkeenentzako bilera informatiboa antolatu du. Hilaren 30ean izango da, arratsaldeko 20:00etan Tolosako Kultur Etxean. - >> 2010-03-16
WiFi-a ikastetxeetan, gurasoen kezka iturri
Eusko Jaurlaritza EAEko ikastetxeetako 5. mailan Eskola 2.0 proiektua martxan jartzera doa. Ikasle horiek erabiliko dituzten ordenagailuak WiFi bidez konektatuko dira Internet sarera, eta horrek uhin elektromagnetikoen inguruko eztabaida piztu du. Horren harira, eremu elektromagnetikoetan aditu den Asier Arregik WiFi-aren eraginei buruzko hitzaldia eskaini zuen Alegian, eta, besteak beste, higiene elektromagnetikoaren garrantziaz mintzatu zen. - >> 2010-03-12
Abiatu dira basamortuari buruzko Amalur Jardunaldiak
Zer iradokitzen dizu “basamortua” hitzak? Hondarra, dunak, oasia, beduinoak, kaktusa, isolamendua, hareazko erlojua. Burura etorritako erantzun guztiak baino gehiago da basamortua: hareaz gain, giza bizitza eta fauna dago basamortuan. Euren bihotz-begiekin ikusi eta sentitu dute guzti hori Sergio Fernandez Tolosa, Ander Izagirre, Josep Mª Palau eta Cristina Morató bidaiariek. Euren esperientzia kontatuko dute martxoaren 15etik 26ra arte iraungo duten Amalur jardunaldietan.
Herriko 21 enpresaren hizkuntza portaeraren datuak bildu ditu Adunako Udalak
Galtzaundirekin sinatutako hitzarmenaren bidez eta Udalerri Euskaldunen Mankomunitatearen aholkularitzapean, Adunako enpresetan euskararen erabilera bultzatzeko lehenengo urratsa eman du Udalak. Egitasmoaren baitan, Galtzaundiko teknikari bat harremanetan jarri da herriko enpresekin eta, bertako arduradunen laguntzaz, euskararekin nola jokatzen duten jaso du. 21 enpresatako datuak bildu dituzte, eta, etorkizunari begira, nolako laguntzak eskainiko dituen aztertzen ari da Udala. 
ABIZENAK EUSKARAZKO GRAFIAZ JARTZEKO KANPAINA JARRI DU ABIAN UEMAK
Galtzaundik eta Adunako Udalak hitzarmena sinatu dute bertako lan munduan euskara planak sustatzeko
Nafarroa Oinez festara joateko autobusak
Aurten Etxarri-Aranatz-eko Ikastola arduratuko da Nafarroa Oinez festa antolatzeaz. Urriaren 18an ospatuko da jaia, eta bertara joateko autobusak antolatu ditu Galtzaundik. Izena emateko epea zabalik dago jada.
Hemen dira Gipuzkoa eta Nafarroako euskararen aldeko jaiak
Etxarri Aranatzen ospatuko den Nafarroa Oinez 2009ra joateko autobusak jarriko ditu aurten ere Galtzaundik. Gerturatu zaitez gure egoitzara izena ematera.
Eskualdeko UEMAko herrietako euskaltegietako matrikulazio kanpaina
Eskualdeko Udalerri Euskaldunen Mankomunitateko udalek babesa adierazi diote Aitzol Tolosako udal euskaltegiak eta Andoaingo AEK-k abian jarri duten matrikulazio kanpainari. Aurten, udalak ahalegin berezia egiten ari dira herriz herri ikasle taldeak sortzeko, eta, horretarako, udaletxeetan izena emateko aukera eman dute, diru laguntzak eskaintzeaz aparte. Helburu nagusiak hauek dira: erdaldunak euskarara hurbiltzea eta euskaldun alfabetatugabeek alfabetatze taldeetan izena ematea
Dagoeneko martxan da eskualdeko UEMAko herrietako merkataritza kanpaina. Eskualdean zazpi herrietako establezimenduek jaso dituzte bisitak: Leaburu-Txarama, Ikaztegieta, Irura, Anoeta, Alegia, Aduna eta Altzo. UEMAko Tolosaldeko beste herrietan berriz, irailean gauzatuko da merkataritza kanpaina.
Baztandarren Biltzarrera joateko autobusak
Galtzaundi Euskara Taldeak, uztailaren 19an, Elizondon ospatuko den Baztandarren Biltzarrera joateko autobusak antolatu ditu. Autobusak goizeko 9:00tan irtengo dira Tolosako Tren geltokitik eta itzulera, arratsaldeko 19:00tan izango da.
Tolosaldeko euskararen semaforoa
Eskualdean, euskalgintzaren eremuan eta euskararen inguruan gertatzen diren notizia guztien berri emateko, Tolosaldean blog berria sortu dute. Blogaren helbidea, euskararensemaforoa.blogspot.com da.
Eskualdeko semaforoetan kartel batzuk agertu dira, "Semaforoak euskaraz" leloarekin (ikus argazkiak). Harrigarriena da kartelak ez dituela inork sinatu, eta inork ez duela bere gain hartu kanpaina hori. Oinezkoek zein gidariek harriduraz hartu dute kanpaina, eta herritarren artean hainbat hipotesi zabaldu dira, baina inork ez daki erabateko ziurtasunez nondik sortu den kartel horiek jartzea.
Harategiei zuzenduriko kanpaina eskualdean
Kontseiluak, Bai Euskarari Ziurtagiriak, UEMAk eta Galtzaundik, beste eskualde batzuetako euskalgintzarekin elkarlanean eta udalen laguntzarekin, harategietako hornitzaileei zuzendutako kanpaina martxan jarriko dute.
Galtzaundik Ibilaldira joateko autobusak antolatu ditu
Maiatzaren 31ean ospatuko da Bizkaiko Ikastolen festa Galdakaon. Galtzaundik, autobusak antolatu ditu festaren ospakizunera joateko eta horretarako, Galtzaundiko egoitzan izena eman behar da. Anima zaitezte!
Anbulatorioetan zerbitzua euskaraz eskatzeko agerraldia
Dagoeneko 11 dira mozioarekin bat egin duten udalak. Maiatzaren 7an, arratsaldeko 19:00tan, Villabonako anbulatorioan egindako agerraldian, Marimi Ugalde, Irurako alkatesak mozioa irakurri zuen. Euskalgintzako eragile desberdinen atxikimenduak jasotzeaz gain, EHEko eta Behatokiko ordezkariak ere bertan egon ziren.
Alegia, Elduain eta Baliarraingo udalek bat egin dute osakidetzaren aurkako mozioarekin
Tolosaldean, UEMAko hamaika udalek onartu dute mozioa.
Mozioa jendaurrean irakurriko dute Villabonako anbulatorioaren aurrean, maiatzaren 7an, 19:00etan.
Gaztelu, Irura, Amezketa eta Ikaztegietako udalek ere onartu dute osakidetzaren aurkako mozioa
Gazteluko, Irurako, Amezketako eta Ikaztegietako udalek ere onartu dute Osakidetzaren aurkako mozioa. Horrenbestez, zortzi dira mozioarekin bat egin duten udalak, aurreko asteetan Adunako, Anoetako, Orexako eta Altzoko udalek ere onartu baitzuten mozioa. Aste honetan bertan, beste udal batzuek ere osoko bilkuretan eztabaidatu eta bozkatuko dute mozioa. Alegian eta Elduainen, adibidez, gaur bertan bozkatuko dute.
Galtzaundik eta Hizkuntz Eskubideen Behatokiak elkarlan hitzarmena sinatu dute
Apirilaren 28an, asteartean, Galtzaundi Euskara Taldeak eta Hizkuntz Eskubideen Behatokiak elkarlan hitzarmena sinatu dute Ibarrako Kultur etxean. Hitzarmen honen bitartez hainbat ekimen martxan jarri dira eta guztiaren berri eman dute eskainitako agerraldian.
Hizkuntza Eskubideen inguruko mahai-ingurua
Maiatzaren 3an, Ondarroan ospatuko den Hizkuntza Eskubideen Egunarekin loturik, mahai-ingurua egingo da, apirilaren 29an, arratsaldeko 19:30ean, Villabonako zineko erakusketa gelan.
Galtzaundi Euskara Taldearen eta Behatokiaren arteko hitzarmena
Apirilaren 28an, asteartean, arratsaldeko 16:00tan, Ibarrako Kultur etxean, Galtzaundi Euskara Taldearen eta Hizkuntz Eskubideen Behatokiaren arteko elkarlan hitzarmena sinatuko da. Bertan, elkarlanaren nondik norakoak azalduko dira, baita martxan jarrita dauden ekimenak ere.
"Euskaraz seguruago" kanpaina ere Tolosaldean
Euskararen Gizarte Erakundeen Kontseiluak, Hizkuntz Eskubideen Behatokiak eta Ziurtagiriaren elkarteak abiatu duen Euskaraz seguruago kanpainaren berri eman dute. Egitasmo honen bitartez euskararentzat esparruak garatu eta zabaldu nahi dira, bizitza normaltasunez egiteko. Euskaldunok euskaraz bizi nahi dugu, baina nabarmenak dira egunero topatzen ditugun ezintasunak. Horien adibide dira aseguru-etxekin izaten ditugun hartu-emanak. "euskaraz seguruago" kanpainaren helburua da aseguru-etxeek eskaintzen duten zerbitzua euskaraz ere jasotzea
VI. Hizkuntza Eskubideen Eguna ospatuko da Ondarroan
"Euskaraz biziz Euskal Herri euskalduna eraiki" lelopean ospatuko da, maiatzaren 3an, Ondarroan VI. Hizkuntza Eskubideen eguna. Egun osoan euskaraz bizi eta gozatzeko egitarau zabala izango da, kale animazio, herri-bazkari, ikuskizun, gune, kontzertu eta abarrekin. Zesatek! Eta Trikizio taldeak izango dira oholtza gainean. Eguneko leloa ozen aldarrikatzeko manifestazioa eta ekitaldi nagusia ere izango dira bazkalaurrean
Aduna, Anoeta, Orexa eta Altzoko Udalek onartu dute osakidetzaren aurkako mozioa
UEMAk proposatuta, Adunako, Anoetako, Orexako eta Altzoko udalek Osakidetzaren azken lanpostu deialdiaren aurkako mozioa onartu dute, udal guztietan aho batez. Izan ere, Osakidetzak ez du bermatu eskualdeko anbulatorioetan lanean hasiko diren langile berriak tratua euskaraz emateko gai izango direnik. Tartean, familia medikuak eta erizainak daude, eta deialdiak eskualdeko UEMAko herri gehienei eragiten die.
Hilabetea amaitu aurretik, UEMAko udal gehienetan landuko dute mozioa, eta maiatzaren 7an mozioa jendaurrean irakurriko dute.
Galtzaundik egindako ekoizpenak
Autobus zerbitzuetan beherapena
Helbidea: Nafarroa etorb., 6; 20400 Tolosa
Tel.: 943 655 004
e-posta: galtzaundi@galtzaundi.com
Laguntzaileak:
